1316 November 17. Brieg

Ablösung des Brieger Fusszolles.

In nomine domini amen. Nos Bolezlaus dei gracia dux Slezie et dominus Legnicensis universis tam presentibus quam futuris huius pagine testimonio cupimus fore notum, quod Wernherus dictus Trinkernicht, civis noster Bregensis, testamentum cupiens facere sempiternum pro remedio et salute animarum sue et coniugis eius ac omnium progenitorum suorum nec non in subsidium et levamen omnium peditum dictam civitatem transeuncium theolonium pedestre ibidem in Brega apud nos pro quadraginta marcis pecunie vsualis iusto emcionis titulo comparavit, sic quod omnes pedites predictam civitatem nostram transeuntes, de omnibus, que portaverint vel in bygis, que vulgariter karrin dicuntur, traxerint, ab omni theolonio a nobis et nostris heredibus sive successoribus perpetuo sint soluti. Ne autem huiusmodi empcio sive testamentum per nos vel nostro heredes sive successores in posterum, quod absit, aliqualiter infringatur, presentes literas sibi dari fecimus nostri sigilli munimine roboratas. Actum et datum in Brega feria quarta infra octavas beati Martini episcopi. Anno Millesimo CCC° decimo sexto presentibus Thammone Quaz, Jenczschone de Palow, Vincencio de Schiltberg militibus, Henczschone de Pogrell, Luthero de Schiltberg, Zciceborio, Heynmanno de Bytschin, Gisilhero plebano de Olavia et aliis pluribus fide dignis.

An grünseidener Schnur das herzogliche Siegel wie bei No. XI.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 9, Urkunden der Stadt Brieg. Urkundliche und chronikalische nachrichten über die Stadt Brieg, die dortigen Klöster, die Stadt- und Stiftsgüter bis zum Jahre 1550. Hrsg Dr. C. Grünhagen, Breslau 1870.